Plantun de Prouvènço

Pèr coumpara dos planto d'encò nostre

Solidago gigantea & Agrostis capillaris

Solidago gigantea

Asteraceae Compositae

Noms en français : Verge d'or, Solidage géant.

Descripcioun :
Grando planto renadivo que s'arremarco emé si flour en plumacho jaune proun longo. Li flour coumpausado soun tóuti dóu meme coustat di ramo. Li fueio soun longo, estrecho e simplo. S. canadensis, que se rescontre gaire, a de flour mai pichoto e de fueio bourrihudo.

Usanço :
La bensipouneto-de-la-grosso es uno planto que nous vèn de l'Americo dóu Nord. Es emplegado (flour e fueio) pèr sougna li mau de garganto, lou tussi e la brouchito. Ei peréu vertuouso contro li plago, la fouiro e subretout li problèmo de ren. S'emplego en sirop e tisano.

Port : Grando erbo
Taio : Pancaro entresigna
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Solidago
Famiho : Asteraceae
Famiho classico : Compositae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : Mesoumediterran à
Couroulougi : Pancaro entresigna
Ref. sc. : Solidago gigantea Aiton, 1789

Treinasso(-primo)

Agrostis capillaris

Poaceae Graminaceae

Autre noum : Gramenet.

Noms en français : Agrostide capillaire, Agrostide commune.

Descripcioun :
La treinasso-primo trachis dins li pelouso umido ounte ié fai de rizoumo. Es uno planto primo e proun divaricado à la flourido, pièi que se saro. Lis espigueto, vióuleto, soun pichouneto e caupon uno souleto flour sènso arèsto. la varieta presentado eici, ié dison capillaris, se recounèis à si glumo escabrouso soulamen sus la careno e pas d'en pertout.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 10 à 80(100) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Agrostis
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 4 à 18 cm
Flourido : Printèms - Estiéu

Sòu : Si (Ca)
Autour basso e auto : 0 à 2600 m
Aparado : Noun
Jun à óutobre

Liò : Pelouso umido
Estànci : Termoumediterran à Subaupen
Couroulougi : Bourealo
Ref. sc. : Agrostis capillaris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Solidago gigantea & Agrostis capillaris

Coumpara Bensipouneto(-de-la-grosso) emé uno autro planto

Coumpara Treinasso(-primo) emé uno autro planto